AlgoBatyr 2026 жеңімпаздары! 🏆

2–3 қазанда Астанада AI MONTH аясындағы айдың басты іс-шарасы — AI & Digital Bridge 2026 форумы өтті. Форум барысында жасанды интеллект көмегімен алгоритмдік есептерді шешуге арналған AlgoBatyr чемпионаты ұйымдастырылды. Ұйымдастырушылары: Қазақстан спорттық бағдарламалау федерациясы және Astana Hub.

💰 Чемпионаттың жүлде қоры 1 000 000 теңгені құрады.

AlgoBatyr 2026 жеңімпаздары:

🥇 1-орын, 500 000 теңге — Расул Айсаев, Maqsut Narikbayev University
🥈 2-орын, 300 000 теңге — Алишер Бейсембеков, «DAMQOR» ЖШС
🥉 3-орын, 200 000 теңге — Nurbakhyt Sembay, Magnum E-Commerce

🏆 AlgoBatyr Cup корпоративтік кубогының иегері — Maqsut Narikbayev University

«Жалпы, сіздердің біліктілігіңіз бен жетістіктеріңіз — тек өздеріңіздің ғана емес, бүкіл Қазақстанның абыройы мен мақтанышы. Өйткені спорттық бағдарламалауды дамыту болсын, жасанды интеллект саласын ілгерілету болсын — мұның бәрі тек жекелеген ұйымдарға емес, әрбір қазақстандықтың белсенді қатысуына байланысты.

Сондықтан сіздердің осындай жарыстарға қатысуларыңыздың өзі үлкен мәртебе әрі зор үлес. Сіздерге белсенділіктеріңіз бен талпыныстарыңыз үшін үлкен алғыс білдіремін.», — деп атап өтті Қазақстанның спорттық бағдарламалау федерациясының басшысы Бағдат Мусин.

Компаниялар үшін мұндай жарысқа қатысу — қызметкерлердің есептерді шешу кезінде жасанды интеллектті қалай қолданатынын бағалау және команда ішінде қандай дағдыларды дамыту қажет екенін анықтау мүмкіндігі. Есептің шартын нақты қою, модельдің жауабын сыни тұрғыдан бағалау және ресурстарды үнемді пайдалану әзірлеушілердің күнделікті жұмысында да практикалық маңызға ие.

AlgoBatyr жарыс форматы мен заманауи әзірлеу құралдарын біріктіріп, маманның жасанды интеллектке дұрыс бағыт беру және алынған нәтижені бағалау қабілетін басты назарға шығарды.

Барлық қатысушыларға мықты ойын үшін рақмет! Жаңа жеңістер тілейміз 🚀

2 қазанда Астанада AI&Digital Bridge 2026 форумы аясында AlgoBatyr 2026 — Қазақстандағы корпоративтік IT-мамандарға арналған алғашқы Vibe Coding чемпионаты өтеді.

AlgoBatyr — үлкен тілдік модельдерді (LLM) пайдалана отырып, алгоритмдік есептерді шешуге арналған жарыс. Классикалық спорттық бағдарламалаудан айырмашылығы, мұнда синтаксисті білу емес, жасанды интеллектке тапсырманы дұрыс қоя білу, тиімді промпт құрастыру және оңтайлы шешімге қол жеткізу қабілеті шешуші рөл атқарады.

Чемпионатқа 16 командадан 32 қатысушы — әр компаниядан екі өкіл қатысады. Жарыс офлайн форматта Double Elimination жүйесі бойынша өтеді, қатысушылар бір-бірімен жекелей дуэльдерде сынға түседі.

Жүлде қоры — 1 000 000 теңге

Өкілдері ең үздік нәтиже көрсеткен компания AlgoBatyr Cup корпоративтік кубогының иегері атанады.

Кімдер қатыса алады?

Чемпионатқа 22 жастан асқан қазақстандық компаниялардың IT-мамандары шақырылады. Қатысушылар соңғы бес жыл ішінде спорттық бағдарламалау бойынша кәсіби жарыстарға қатыспаған болуы тиіс.

Қалай тіркелуге болады?

Қатысу үшін, егер қатысушының аккаунты әлі болмаса, cpfed.kz платформасында тіркелу қажет.

Компанияның екі өкілінің де платформада жеке аккаунты болуы тиіс. Одан кейін AlgoBatyr 2026 тіркеу формасын толтырып, қатысушылар бір-бірінің логиндерін көрсетуі қажет.

AlgoBatyr 2026-ға тіркелу

Чемпионат өтетін күн: 2 қазан 2026 жыл
Марапаттау рәсімі: 3 қазан 2026 жыл

📢 Қазақстанда жаңа ICPC 2026-2027 маусымы басталуда !

📝 Тіркелу ашық және сілтеме бойынша қолжетімді : link
📄 Ұйымды тіркеу бойынша нұсқаулық : reg.instruction
Дедлайн : 15 қазан 10:00
Қатысу ережелері : rules

📅 Іріктеу кезеңінің кестесі (оффлайн форматта, жергілікті ЖОО-да) :

1. 1/8 ICPC (сынақ тур) - 17 қазан 12:00-14:00
2. 1/8 ICPC (негізгі тур) – 18 қазан 12:00-17:00