Университеттердегі экожүйе

Студенттер арасында спорттық бағдарламалауды насихаттау, олардың бағдарламалау жарыстарындағы нәтижелерін жақсарту және аймақтық жоғары оқу орындарында IT саласын дамыту мақсатында Федерация бірқатар маңызды жобаларды қолға алады. Біз ерекше көңіл бөлетін негізгі жобалардың бірі – аймақтық жоғары оқу орындарында спорттық бағдарламалау экожүйесін дамыту.

Федерацияның аймақтық жоғары оқу орындарында спорттық бағдарламалау экожүйесін дамыту жобасы мына мақсаттарға қол жеткізуге бағытталған:

• Аймақтық жоғары оқу орындарын дамыту:

  Біз студенттердің спорттық бағдарламалау саласындағы әлеуетін ашуға мүмкіндік беру үшін аймақтық жоғары оқу орындарында осы саланы белсенді түрде қолдауға және дамытуға ұмтыламыз.

• Студенттерге үйрету:

  Біз студенттердің олимпиадалар мен жарыстарда табысқа жетуі үшін оларға алгоритмдерді, деректер құрылымдарын және спорттық бағдарламалаудың басқа да негізгі аспектілерін тереңдетіп үйренуді ұсынамыз.

• Спорттық бағдарламашылардың мықты қоғамдастығын құру:

  Біз студенттер бір-бірімен тәжірибе алмасып, бір-бірінен үйренетін және спорттық бағдарламашылар ретінде бірге өсетін достық және қолдау ортасын құрғымыз келеді.

• Жоғары оқу орындары ішінде және аймақтарда жарыстар өткізу:

  Студенттер өз машықтарын сынап, жоғары оқу орындарының басқа қатысушыларымен бәсекеге түсе алатындай жарыстар ұйымдастырамыз.

• Студенттердің бойында әлемдік IT компанияларында сұхбаттасудан өту үшін қажетті машықтар мен білімдерді дамыту:

  Біз студенттерге бағдарламалау машықтарын ғана емес, сонымен қатар, MAANG (Google, Meta және т.б. сияқты әлемдегі жетекші IT компанияларында) сұхбаттасудан табысты өту үшін қажетті сенімділік пен дайындықты дамытуға көмектесеміз.

• Онлайн кездесулер мен ынталандыру әңгімелерін жүргізу:

  Біз студенттердің кәсіби мамандардан құнды кеңестер, шабыт пен ынталандыру алуы үшін студенттердің әр түрлі компаниялардың тәжірибелі әзірлеушілерімен және спорттық бағдарламалау саласындағы жетекші мамандармен кездесулерін ұйымдастырамыз.

Аймақтық жоғары оқу орындарында спорттық бағдарламалау экожүйесін дамыту жобасы аясында біз жоғары оқу орындарының басшылығымен және әкімшілігімен өткен кездесулерді, сондай-ақ олардың қызығушылықтары мен жобаға қатысуға дайындығын негізге ала отырып, 6 университетті мұқият таңдап алдық. Бұл жобадағы серіктестеріміз – мына жоғары оқу орындары:

Біз әрбір жоғары оқу орнының әкімшілік өкілдерімен бірлесе отырып, студенттерге өз машықтарын дамыту, жарыстарға қатысып, жоғары нәтижелерге қол жеткізу үшін жағдай жасаймыз.

Федерация аймақтық жоғары оқу орындарында спорттық бағдарламалау экожүйесін табысты дамыту үшін жоғары оқу орындарымен белсенді жұмыс жүргізеді. Біз атқарған негізгі іс-шаралар:

• Қонақ дәрістері және ынталандыру әңгімелері:

  Біз бірқатар қонақ дәрістерін ұйымдастырдық, олардың барысында Федерация Төралқасының тәжірибелі мүшелері, Digital Nomads Kazakhstan IT қоғамдастығының өкілдері және спорттық бағдарламалау саласындағы жетекші мамандар ынталандыру әңгімелерін жүргізді. Олар өз тәжірибелері туралы әңгімелеп, құнды кеңестерін бөлісті және студенттерді спорттық бағдарламалау саласында ашылатын мүмкіндіктермен таныстырды.

• Студенттерді іріктеу және топтар құру:

  Біз логикалық дағдылары мен бағдарламалау саласындағы негізгі білімдерін негізге ала отырып, студенттерді іріктеуді жүргіздік. Осыдан кейін біз өз машықтарын дамытып, жарыстарға қатысуға ынталы талантты студенттерден тұратын топтар құрдық.

• Жаттықтырушыларды тағайындау және бағдарламаны әзірлеу:

  Біз университеттермен жұмыс істеу үшін спорттық бағдарламалау саласында маманданған тәжірибелі жаттықтырушыларды шақырдық. Жаттықтырушылармен бірге әр жоғары оқу орнының ерекшеліктерін ескере отырып, спорттық бағдарламалаудың негізгі тақырыптарын қамтитын толық үйрету бағдарламасын әзірледік.

• Үйретуді бастау және жарыстарға қатысу:

  Біз студенттерге құнды білім мен практикалық машықтарды бере отырып, оларға спорттық бағдарламалауды үйретуді сәтті бастадық. Бұдан бөлек, біз студенттердің өз машықтарын қолдануы, жетістіктерін өлшеуі және жарыс ортасынан құнды тәжірибе алуы үшін оларды әр түрлі жарыстарға белсенді дайындаймыз.

• Студенттер клубын құру:

  Біз әр университетте спорттық бағдарламалау бойынша студенттер клубын құру бастамасын көтердік. Бұл арнайы қоғамдастық студенттерге білім, тәжірибе және идея алмасу, сондай-ақ клубішілік іс-шаралар мен жарыстарды ұйымдастыру платформасын ұсынады.

Біз аймақтық жоғары оқу орындарында спорттық бағдарламалау экожүйесін дамыту жолында жұмысымызды жалғастыруға ұмтыламыз. Біздің мақсатымыз – студенттерге спорттық бағдарламалауды табысты дамыту және жоғары нәтижелерге қол жеткізу үшін ең жақсы мүмкіндіктерді қамтамасыз ету.

Біздің жаттықтырушыларымыз – спорттық бағдарламалау саласындағы тәжірибелі мамандар. Олардың бағдарламалау жарыстарына қатысып, жеңіске жетуде, сондай-ақ күрделі алгоритмдерді әзірлеуде айтарлықтай мол тәжірибесі бар. Жаттықтырушылар командасы студенттерге спорттық бағдарламалауда табысқа жету үшін қажетті құнды білім мен дағдыларды беріп, қолдау көрсетеді.