Қазақстанның спорттық бағдарламалау Федерациясы мен Yandex Qazaqstan бірлесіп, 21-28 тамыз аралығында Петрозаводскіде өткен халықаралық жаттығу жиындарына төрт қазақстандық команданың қатысуын ұйымдастырды, оның негізгі мақсаты — командалардың ICPC World Finals 2024 барынша дайындығын қамтамасыз ету.
⠀
Қазақстан-Британ техникалық университетінің, Халықаралық ақпараттық технологиялар университетінің, Сүлейман Демирел атындағы университеттің және Astana IT University командалары ICPC финалының тапсырмаларына ұқсас жаттығу контесттеріне қатысады, сондай-ақ халықаралық сарапшылармен есептерді талдайды. Бұл олардың техникалық дағдыларын дамытуға және топтық жұмысты нығайтуға көмектеседі.
⠀
Біз Yandex Qazaqstan компаниясына спорттық бағдарламалауды қолдағаны және осы оқу-жаттығу жиындарын ұйымдастыруға көмектескені үшін алғыс айтамыз. Біздің командаларымыз өздерін жоғары деңгейде көрсетіп, әлемдік қауымдастықта Қазақстанды лайықты танытатынына сенімдіміз!